每當空難發生後，新聞上最經常聽到嘅就係搵翻飛機黑盒希望查出真相，咁到底黑盒係咩樣？點運作同有咩用？
正式名稱為飛行記錄儀 ( Flight Recorder ) ，各國政府都有規定航機上需安裝黑盒， 等不幸飛機遇上空難嘅時候，可以提供相關飛行資料調查事故原因，並改善防止日後類似事件發生。
而飛機黑盒其實並唔係黑色係橙色（國際橙色），依種顏色通常會用於工程 / 太空企業。
到底飛機黑盒又記錄咗啲咩？飛機黑盒其實分別 2 個，分別記錄飛行數據（FDR）及駕駛艙語音記錄（CVR），當中飛行數據包括飛機內部本身到飛行狀況等，例如空中飛行速度、高度、方向及飛機上儀錶讀數等，而駕駛艙語音記錄則記錄駕駛艙內機組人員口頭交流語音記錄、與地面控制塔航空管制人員的通話、機組人員對乘客的廣播、駕駛艙內環境聲音等。而當中更可儲存約 25 小時飛行數據及最少 2 小時嘅語音記錄，已絕對足夠當有意外發生時查找記錄之用。
你可能會問咁飛機黑盒無電？或者空難時比因撞擊或被火燒過點算？先講保護性資料記憶體會安裝係一個鋁製嘅外殼內， 再被幾層絕緣物料包裹著，外層就用重型不銹鋼包圍，預計可承受 3,400 g 衝擊及 1,100度高溫， 一般飛機黑盒會被安裝係飛機尾部，因過去研究得出飛機尾部受衝擊最少，飛機黑盒亦透過備有聲納裝置，方便救援人員透過聲納探測更易找尋飛機黑盒，而當事故發生就最少可連續 30 日發出超聲波定位信號。
想緊貼更多冷知識，歡迎繼續緊貼 生活時報 的更新 ！
